ନୂଆପଡା ଉପନିର୍ବାଚନକୁ ନେଇ ରାଜନୀତିକ ତାପମାତ୍ରା ବଢ଼ିଯାଇଛି। ତିନି ପ୍ରମୁଖ ଦଳ — ବିଜେଡି, ବିଜେପି ଓ କଂଗ୍ରେସ । ନିଜ ନିଜ ରଣନୀତି ସହିତ ଭୋଟରଙ୍କୁ ପ୍ରଭାବିତ କରିବାରେ ବ୍ୟସ୍ତ। ସବୁ ବର୍ଗର ମତଦାତାଙ୍କ ହୃଦୟ ଜିତିବା ପାଇଁ ଦଳଗୁଡିକ ଆଦିବାସୀ ସମ୍ମିଳନୀ ଓ ମିଶ୍ରଣ ପର୍ବରେ ଘନଘନ ଯୋଗଦେଇ ଜୋରଦାର ପ୍ରଚାର କରୁଛନ୍ତି।
ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ ଆଜି ମାରାଥନ ପ୍ରଚାରରେ ଅଂଶଗ୍ରହଣ କରି ଗାଁଗାଁ ଘୁରି ଲୋକମାନଙ୍କ ସହ ସମ୍ପର୍କ ସ୍ଥାପନ କରିଛନ୍ତି।
ଏପରିକି କଂଗ୍ରେସ ପ୍ରାର୍ଥୀ ଘାସିରାମ ମାଝି ମଧ୍ୟ ଗାଁକୁ ଗାଁ ବୁଲି ଭୋଟରଙ୍କୁ ନିଜ ପକ୍ଷରେ ଆଣିବାରେ ଲାଗିଛନ୍ତି।
ଅନ୍ୟପଟେ ବିଜେପି ପ୍ରାର୍ଥୀ ଜୟ ଢୋଲକିଆ ଦଳୀୟ କର୍ମୀମାନଙ୍କ ସହ ସକ୍ରିୟ ହୋଇ ପ୍ରଚାରକୁ ଅଧିକ ତୀବ୍ର କରିଛନ୍ତି।
ଏହି ମଧ୍ୟରେ, ଧରପଗଡ ଅଞ୍ଚଳରେ ପୋଲିସ ଜୋରଦାର ଚେକିଂ ଚାଲିଥିବାବେଳେ ସ୍ଥାନୀୟ ମୋହରା ଛକରୁ ଦୁଇ ଲକ୍ଷ ଟଙ୍କା ଜବତ ହୋଇଛି। ଏହାକୁ ନେଇ ଅଞ୍ଚଳରେ ଚର୍ଚ୍ଚା ତିବ୍ର ହୋଇଛି।
ସମୁଦାୟ ଭାବେ ଦେଖାଯାଉଛି, ନୂଆପଡା ଉପନିର୍ବାଚନ ପୂର୍ବରୁ ସମସ୍ତ ଦଳ ମାଟିକୁ ଗରମ କରିଦେଇଛନ୍ତି, ଓ ଏଥିରେ କିଏ ଶେଷରେ ଅଗ୍ରସର ହେବେ, ତାହା ଦେଖିବାକୁ ଆଗ୍ରହ ଜନକ ହେବ।