ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି (ବୁଧବାର) ନଭି ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦର (NMIA) ର ପ୍ରଥମ ପର୍ଯ୍ୟାୟ ଉଦଘାଟନ କରିଛନ୍ତି । ବିମାନବନ୍ଦରର ପ୍ରଥମ ପର୍ଯ୍ୟାୟ ୧୯୬୫୦ କୋଟି ଟଙ୍କା ବ୍ୟୟରେ ନିର୍ମିତ ହୋଇଛି । ଏହା ଭାରତର ସର୍ବବୃହତ ଗ୍ରୀନଫିଲ୍ଡ ବିମାନବନ୍ଦର ପ୍ରକଳ୍ପ । ଏହି ବିମାନବନ୍ଦରକୁ ସରକାରୀ-ଘରୋଇ ସହଭାଗୀତା (PPP) ମଡେଲ ଅଧୀନରେ ବିକଶିତ କରାଯାଇଛି ।
ମୁମ୍ବାଇ ମହାନଗର ଅଞ୍ଚଳର ଦ୍ୱିତୀୟ ଅନ୍ତର୍ଜାତୀୟ ବିମାନବନ୍ଦର ଭାବରେ, NMIA ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନବନ୍ଦର (CSMIA) ସହିତ ମିଳିତ ଭାବରେ କାର୍ଯ୍ୟ କରିବ, ଯାହା ଭିଡ଼କୁ ହ୍ରାସ କରିବାରେ ସହାୟକ ହେବ ଏବଂ ମୁମ୍ବାଇକୁ ଗ୍ଲୋବାଲ୍ ମଲ୍ଟି-ଏୟାରପୋର୍ଟ ସିଷ୍ଟମ କ୍ୟାଟାଗୋରୀରେ ସଂଲଗ୍ନ କରିବା ପାଇଁ ସହଯୋଗ କରିବ। ଡିସେମ୍ବର ୨୦୨୫ ରେ ନଭି ମୁମ୍ବାଇ ବିମାନବନ୍ଦରରୁ ବିମାନ ଚଳାଚଳ ଆରମ୍ଭ ହେବାର ଯୋଜନା ରହିଛି। ଅକ୍ଟୋବର ଶେଷ ସୁଦ୍ଧା ଟିକେଟ୍ ବିକ୍ରି ଆରମ୍ଭ ହେବ ବୋଲି ଆଶା କରାଯାଉଛି। ଇଣ୍ଡିଗୋ, ଆକାସା ଏୟାର ଏବଂ ଏୟାର ଇଣ୍ଡିଆ ଏକ୍ସପ୍ରେସ୍ ମଧ୍ୟ ଏଠାରୁ ବିମାନ ଚଳାଚଳ କରିବେ।
ଏହି ବିମାନବନ୍ଦର ଘରୋଇ ଏବଂ ଆନ୍ତର୍ଜାତୀୟ ଯାତ୍ରୀଙ୍କ ପାଇଁ ଅତ୍ୟାଧୁନିକ ସୁବିଧା ସହିତ ସଜ୍ଜିତ। ଏଥିରେ ବଡ଼ ବାଣିଜ୍ୟିକ ବିମାନ ପରିଚାଳନା କରିବାକୁ ସକ୍ଷମ ୩୭ ଶହ ମିଟର ଲମ୍ବା ରନୱେ, ଏକ ଆଧୁନିକ ଯାତ୍ରୀ ଟର୍ମିନାଲ ଏବଂ ଏକ ଉନ୍ନତ ବିମାନ ଟ୍ରାଫିକ୍ ନିୟନ୍ତ୍ରଣ ବ୍ୟବସ୍ଥା ଅନ୍ତର୍ଭୁକ୍ତ।