ଟାୟାର ଦୋକାନ ଭିତରୁ ଉଦ୍ଧାର ହେଲା ଦୋକାନ ମାଲିକଙ୍କ ମୃତଦେହ । ଘଷିପୁରା ବ୍ଲକ ରାମଚନ୍ଦ୍ରପୁର ଥାନା ଅନ୍ତର୍ଗତ ହସନପୁର ଟୋଲ ପ୍ଲାଜା ନିକଟରେ ଏକ ଟାୟାର ଦୋକାନ ରହିଛି । ରବିବାର ଏହି ଦୋକାନ ଭିତରୁ ମାଲିକଙ୍କ ମୃତଦେହ ଉଦ୍ଧାର କରାଯାଇଛି । ମୃତ୍ୟୁର କାରଣ ଅସ୍ପଷ୍ଟ ରହିଛି । ଦୋକାନୀ ଜଣକ ବିହାରର ସଜାଜ୍ ଆଲମ୍ ବୋଲି ଜଣାପଡ଼ିଛି । ସ୍ଥାନୀୟ ଲୋକମାନେ ଖବର ପାଇ ରାମଚନ୍ଦ୍ରପୁର ପୁଲିସକୁ ଖବର ଦେବାପରେ ଘଟଣାସ୍ଥଳରେ ସାଇଁକୁଳ ଫାଣ୍ଡି ପୋଲିସ ପହଞ୍ଚିଛି । ଶବ ବ୍ୟବଚ୍ଛେଦ ପାଇଁ ଆନନ୍ଦପୁର ମେଡିକାଲକୁ ଶବ ପଠାଇବା ସହ ପରିବାର ଲୋକଙ୍କୁ ଖବର ପଠାଇ ତଦନ୍ତ ଆରମ୍ଭ କରିଛି ।