ରାଜଧାନୀ ଦିଲ୍ଲୀର ବଢୁଥିବା ବାୟୁ ପ୍ରଦୂଷଣକୁ ରୋକିବା ପାଇଁ ସରକାର ଏବେ ନୂଆ ଉପାୟ ନେଇଛନ୍ତି । କୃତ୍ରିମ ବର୍ଷା ଅର୍ଥାତ୍ କ୍ଲାଉଡ୍ ସିଡିଂ ମାଧ୍ୟମରେ ପ୍ରଦୂଷଣ କମାଇବାର ପ୍ରୟାସ ଆରମ୍ଭ ହୋଇଛି ।
ଆସନ୍ତା ୨୯ ତାରିଖରେ ଦିଲ୍ଲୀରେ ପ୍ରଥମ କୃତ୍ରିମ ବର୍ଷା ହେବାର ସମ୍ଭାବନା ରହିଛି । ଗତକାଲି ବୁରାଡି ଅଞ୍ଚଳରେ IIT କାନ୍ପୁରର ବିଶେଷଜ୍ଞ ଦଳ ଏହାର ସଫଳ ପରୀକ୍ଷା କରିଛନ୍ତି । ଏହି ବର୍ଷା ବାୟୁରେ ଥିବା କ୍ଷତିକାରକ କଣିକାକୁ ଧୋଇ ପ୍ରଦୂଷଣ ହ୍ରାସ କରିବ ।
ଏହି ପ୍ରକଳ୍ପ ପାଇଁ ଦିଲ୍ଲୀ ସରକାର ୩.୨୧ କୋଟି ଟଙ୍କା ବ୍ୟୟ ନିର୍ଦ୍ଧାରଣ କରିଛନ୍ତି । ପୂର୍ବରୁ ମୌସୁମୀ ପରିସ୍ଥିତି ଅନୁକୂଳ ନ ଥିବାରୁ ବିଳମ୍ବ ହୋଇଥିଲା । ଦିଲ୍ଲୀର ବାୟୁ ଗୁଣବତ୍ତା ସୁଧାର ପାଇଁ ଏହି ପ୍ରୟାସକୁ ଏକ ଐତିହାସିକ ପଦକ୍ଷେପ ବୋଲି ମନେ କରାଯାଉଛି । ।