ତାଳଚେର : ତାଳଚରେ ଥର୍ମାଲ ଡିଏଭି ପବ୍ଲିକ ସ୍କୁଲରେ ବୃହତ ବିଜ୍ଞାନ, ସାମାଜିକ ବିଜ୍ଞାନ, ଭାଷା ଓ ଗଣିତ ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ଏନଟିପିସି ଟିଟିପିଏସର ସିଜିଏମ ବିଜୟ ଚାନ୍ଦ ଦୀପ ପ୍ରଜ୍ଜ୍ବଳନ କରି ପ୍ରଦର୍ଶନୀ ଓ ପୁସ୍ତକ ମେଳାର ଉଦଘାଟନ କରିଥିଲେ।ବିଦ୍ୟାଳୟର ଅଧ୍ୟକ୍ଷ ଡ. ସମୀର କୁମାର କାନୁନଗୋ ସ୍ବାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ। ପ୍ରାୟ୫୦୦ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ମୁଖ୍ୟ ଅତିଥି ପ୍ରତିଯୋଗୀ ଛାତ୍ରଛାତ୍ରୀଙ୍କୁ ବିଜ୍ଞାନର ଧାରଣା ଦେବା ସଙ୍ଗେ ସଙ୍ଗେ ନୂତନ ଭାରତ ଗଠନରେ କିପରି ସହାୟକ ହେବେ ତାଙ୍କର ଉଦବୋଧନରେ କହିଥିଲେ। ଏଥି ସହିତ ବିଦ୍ୟାଳୟରେ ବହୁଲବ୍ଧ ପ୍ରତିଷ୍ଠିତ ଲେଖକଙ୍କର ପୁସ୍ତକ ଗୁଡିକର ପ୍ରଦର୍ଶନୀ ମଧ୍ୟ କରାଯାଇଥିଲା। ଏହି ପ୍ରଦର୍ଶନୀ ଓ ମେଳାରେ ବିଦ୍ୟାଳୟର ସମସ୍ତ ଶିକ୍ଷକଶିକ୍ଷୟିତ୍ରୀ ସହଯୋଗ କରିଥିଲେ।