ଶାରଦୀୟ ଦୁର୍ଗାପୂଜା ଅବସରରେ ତାଳଚେର ସାଉଥବଲଣ୍ଡା ଶିବ ମନ୍ଦିର ପଡିଆ ଠାରେ LP ଇଭେଣ୍ଟ ପକ୍ଷରୁ ଏକ ଦାଣ୍ଡିଆ ନାଇଟସ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ତାଳଚେର ବିଧାୟକ ବ୍ରଜକିଶୋର ପ୍ରଧାନ ଯୋଗଦେଇ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ତାଳଚେରେ ପ୍ରଥମଥର ପାଇଁ ଏହି ଦାଣ୍ଡିଆ ନାଇଟ୍ସ ଅନୁଷ୍ଠିତ ହୋଇଥିବାରୁ ଏଥିରେ ଆଖପାଖ ଅଞ୍ଚଳରେ ବହୁ ଦାଣ୍ଡିଆ ପ୍ରେମୀ ଯୋଗଦାନ କରିବା ସହ ସେମାନଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଥିଲା । ଦାଣ୍ଡିଆ ଅନ୍ୟ ରାଜ୍ୟରେ ବହୁଳ ମାତ୍ରାରେ ଖେଳା ଯାଉଥିବା ବେଳେ ଏବେ ଓଡ଼ିଶାରେ ବେଶ ଆଦୃତ ଲାଭ କରିଥିବା ବେଳେ ତାଳଚେରରେ ଏହାର ପ୍ରଭାବ ଦେଖିବାକୁ ମିଳିଛି । ଏହି କାର୍ଯ୍ୟକ୍ରମରେ ସବୁବର୍ଗର ଲୋକ ସାମିଲ ହୋଇ ଦାଣ୍ଡିଆ ଖେଳିବା ସହ ଏହାର ମଜା ଉଠାଇଥିଲେ ।