ଡାଲି ଜାତୀୟ ଫସଲରେ ଆତ୍ମନିର୍ଭର ଅଭିଯାନରେ ଓଡ଼ିଶାକୁ ‘ବିହନ ହବ’ ଭାବେ ଗଢ଼ି ତୋଳାଯିବ ବୋଲି ଉପମୁଖ୍ୟମନ୍ତ୍ରୀ କେଭି ସିଂହଦେଓ କହିଛନ୍ତି। ତାଙ୍କ ଅଧ୍ୟକ୍ଷତାରେ ହୋଇଥିବା ସଘନ କୃଷି ବୈଠକରେ ବିଲୁପ୍ତପ୍ରାୟ ଖାଦ୍ୟ ଓ ଡାଲି ଫସଲ ପୁନରୁଦ୍ଧାର ଉପରେ ଆଲୋଚନା ହୋଇଛି।
ପ୍ରଧାନମନ୍ତ୍ରୀଙ୍କ ଆହ୍ୱାନରେ ପ୍ରେରିତ ହୋଇ ଓଡ଼ିଶା କ୍ଲଷ୍ଟର ପଦ୍ଧତିରେ ହରଡ଼, କଳା ଚଣା, ଏବଂ ଅନ୍ୟ ଡାଲି ଫସଲ ଚାଷକୁ ପ୍ରୋତ୍ସାହନ ଦେବ। ICRISAT ଦ୍ୱାରା ବିକଶିତ ICPV-25444 ହରଡ଼ ପ୍ରଜାତି ସବୁ ଋତୁରେ ଚାଷ ଯୋଗ୍ୟ, ଯାହା ୪୫° ସେଲସିୟସ୍ ତାପ ସହି ପାରେ ଏବଂ ୧୨୦ ଦିନରେ ଫସଲ ଦେଇପାରେ।
ଉପମୁଖ୍ୟମନ୍ତ୍ରୀ ଡଙ୍ଗରରାଣୀ ଓ କାନ୍ଦୁଲ ଭଳି ପାରମ୍ପରିକ କିସମ ଚାଷକୁ ମଧ୍ୟ ପ୍ରୋତ୍ସାହନ ଦେଇଛନ୍ତି। ବିହନ ନିଗମ ଏହି ବିଲୁପ୍ତ ପ୍ରାୟ କିସମମାନଙ୍କୁ ସଂରକ୍ଷଣ ଓ ପୁନରୁତ୍ପାଦନ କରିବ।
ଏହି ବୈଠକରେ ଡକ୍ଟର ଅରବିନ୍ଦ କୁମାର ପାଢୀ, ଶୁଭମ ସକ୍ସେନା, କାଲୁଙ୍ଗେ ଗୋରଖ ୱାମନ, ICRISAT ଓ ICARDA ଅଧିକାରୀମାନେ ଉପସ୍ଥିତ ଥିଲେ।