ତାଳଚେର: ତାଳଚେର ଭରତପୁର କ୍ଷେତ୍ରର ମହାପ୍ରବନ୍ଧକଙ୍କ କାର୍ଯ୍ୟଳୟ ପରିସରରେ ଆଜି ତାଳଚେର ବିଧାୟକ ବ୍ରଜକିଶୋର ପ୍ରଧାନଙ୍କ ସହିତ ମହାନଦୀ କୋଲଫିଲଡ଼ କଣ୍ଟ୍ରାକ୍ଟଚୁଆଲ ଟ୍ରାନ୍ସପୋର୍ଟ ୱାର୍କର ୟୁନିଅନର ସମ୍ପାଦକ ନରହରୀ ସାହୁ, ଭରତପୁର କ୍ଷେତ୍ରର ମହାପ୍ରବନ୍ଧକ, ପ୍ରକଳ୍ପ ଅଧିକାରୀଙ୍କ ଉପସ୍ଥିତିରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। ଉକ୍ତ ବୈଠକରେ ଆଶନ୍ତା ୧୯ ତାରିଖରେ ଭରତପୁର କୋଇଲା ଖଣିରେ କାର୍ଯ୍ୟରତ ଥିବା ଠିକା ସଂସ୍ଥା ତଥା ବିଏଲ୍ କମ୍ପାନୀର କାର୍ଯ୍ୟ ସମାପ୍ତ ହେବାକୁ ଯାଉଛି। ଐହି କମ୍ପାନୀରେ କାର୍ଯ୍ୟରତ ଥିବା ଠିକା ଶ୍ରମିକ ମାନଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯାଇଥିଲା। ଏଥି ସହିତ ଏହି କମ୍ପାନୀରେ କାର୍ଯ୍ରରତ ଥିବା ସମସ୍ତ ଠିକା କର୍ମଚାରୀଙ୍କୁ ଆସନ୍ତା ୧୪ ତାରିଖ ମଧ୍ୟରେ ଦିଆଯାଇଥିବା ସମସ୍ତ ଦାବି ଗୁଡ଼ିକୁ ପୂରଣ କରିବା ପାଇଁ ଭରତପୁର କ୍ଷେତ୍ରର ମହାପ୍ରବନ୍ଧକ ପ୍ରତିଶ୍ରୁତି ଦେଇଛନ୍ତି। ଏହି ବୈଠକରେ ବିଏଲ୍ କମ୍ପାନୀ କର୍ତୃପକ୍ଷ ଓ କାର୍ଯ୍ୟରତ ଠିକା ଶ୍ରମିକ ମାନେ ଉପସ୍ଥିତ ଥିଲେ।