T20 ବିଶ୍ବକପରେ ଟିମ୍ ଇଣ୍ଡିଆକୁ ଝଟକା । ଓପନର୍ ଅଭିଷେକ ଶର୍ମା ଅସୁସ୍ଥ । ପେଟ ସଂକ୍ରମଣ ଯୋଗୁଁ ଅସୁସ୍ଥ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ପେଟ ସଂକ୍ରମଣ ଯୋଗୁଁ ଅଭିଷେକ ନାମିବ୍ୟା ବିପକ୍ଷ ମ୍ୟାଚରୁ ବାଦ୍ ପଡିଛନ୍ତି ।
ଗତ ୭ ତାରିଖରେ ଭାରତର ୟୁଏସ୍ ଏ ବିପକ୍ଷ ମ୍ୟାଚ୍ ସମୟରେ ଅଭିଷେକ ଅସୁସ୍ଥ ହୋଇଥିଲେ । ଏହା ସତ୍ତ୍ବେ ସେ ବ୍ୟାଟିଂ କରିଥିଲେ, କିନ୍ତୁ ଫିଲଡିଂ ପାଇଁ ପଡ଼ିଆକୁ ଓହ୍ଲାଇନଥିଲେ । ତାଙ୍କ ସ୍ଥାନରେ ସଂଜୁ ସାମସନ୍ ଫିଲଡିଂ କରିଥିଲେ । ତେବେ ସ୍ବାସ୍ଥ୍ୟାବସ୍ଥା ଆହୁରି ବିଗିଡ଼ିବାରୁ ମଙ୍ଗଳବାର ଅଭ୍ୟାସ କରିନଥିଲେ । ପରେ ତାଙ୍କୁ ହସପିଟାଲରେ ଭର୍ତ୍ତି କରାଯାଇଥିଲା । ଅସୁସ୍ଥ ଥିବାରୁ ସେ ନାମିବ୍ୟା ବିପକ୍ଷ ମ୍ୟାଚ୍ ନ ଖେଳିବାର ସମ୍ଭାବନା ରହିଛି । ଯଦି ମ୍ୟାଚ ପୂର୍ବରୁ ସୁସ୍ଥ ନ ହେଲେ ଅଭିଷେକଙ୍କ ସ୍ଥାନ ନେଇପାରନ୍ତି ସଞ୍ଜୁ ସାମସନ ।
ଆସନ୍ତା ୧୫ ତାରିଖରେ ଭାରତ-ପାକିସ୍ତାନ ହାଇଭୋଲଟେଜ ମ୍ୟାଚ୍ ହେବ । ଏହା ପୂର୍ବରୁ ଭାରତ ପାଇଁ ଚିନ୍ତାର କାରଣ ହୋଇଛି ବିସ୍ଫୋରକ ବ୍ୟାଟର୍ ଅଭିଷେକ ଶର୍ମାଙ୍କ ସ୍ବାସ୍ଥ୍ୟବସ୍ଥା । ଅଭିଷେକ ଶର୍ମା ବଢିଆ ଫର୍ମରେ ରହିଛନ୍ତି । ହେଲେ ୟୁଏସଏ ବିପକ୍ଷ ମ୍ୟାଚରେ ଗୋଲଡେନ ଡକର ଶିକାର ହୋଇଥିଲେ।