ଯାଜପୁର ଜିଲ୍ଲା ଧର୍ମଶାଳା ଥାନା ନାକପୋଲ-ମାଣ୍ଡିଆ ରାସ୍ତାର ଛେଳିଆପଦା ଗାଁ ନିକଟରେ ମର୍ମନ୍ତୁଦ ଦୁର୍ଘଟଣା । ଗୁରୁବାର ସକାଳେ ଏକ ଟ୍ରକ୍ ଦୁର୍ଘଟଣାରେ ଜଣେ ସ୍କୁଲ ଛାତ୍ରର ମୃତ୍ୟୁ ଘଟିଛି । ଦୁର୍ଘଟଣା ପରେ କ୍ଷତିପୂରଣ ଦାବି କରି ଧାରଣାରେ ବସି ରାସ୍ତାରେ ଭାରି ଯାନ ଚଳାଚଳକୁ ସବୁଦିନ ପାଇଁ ବନ୍ଦ କରିବାରୁ ଦାବି କରିଛନ୍ତି ଗ୍ରାମବାସୀ ।
ସୂଚନା ମୁତାବକ, ଗଣେଶ ଘଡାଇଙ୍କ ୯ ବର୍ଷର ପୁଅ ସାଇକେଲରେ ଗାଁ ରାସ୍ତାରେ ଆସୁଥିବା ବେଳେ ନାକପୋଲ ଆଡୁ ଯାଉଥିବା ଏକ ଟ୍ରକ୍ ତାଙ୍କ ଉପରେ ଚଢି ଯାଇଥିଲା। ତାଙ୍କୁ ତୁରନ୍ତ ପରିବାର ପକ୍ଷରୁ ଧର୍ମଶାଳା ମେଡିକାଲ ନିଆଯାଇଥିଲା । ସେଠାରେ ତାଙ୍କର ମୃତ୍ୟୁ ଘଟିଥିଲା।
ସେପଟେ ଗ୍ରାମବାସୀ ରାସ୍ତା ଉପରେ କ୍ଷତିପୂରଣ ଦାବି କରି ଧାରଣାରେ ବସିଛନ୍ତି । ଏହା ସହ ରାସ୍ତାରେ ଭାରି ଯାନ ଚଳାଚଳ ସବୁଦିନ ପାଇଁ ବନ୍ଦ କରିବାକୁ ମଧ୍ୟ ଦାବି କରୁଛନ୍ତି। ଏସମ୍ପର୍କରେ ଖବର ପାଇ ଘଟଣାସ୍ଥଳରେ ଥାନା ଅଧିକାରୀ ପହଞ୍ଚିଛନ୍ତି। ଟ୍ରକ୍ ଡ୍ରାଇଭରକୁ ଗ୍ରାମବାସୀ ଏକ ଘର ମଧ୍ୟରେ ବନ୍ଦ୍ କରି ରଖିଥିବା ଜଣାପଡ଼ିଛି।