ପୁଣି ଖଟିଆରେ ବୁହା ହୋଇ ଉଛୁଳା ନଈ ପାର ହେଲେ ଗର୍ଭବତୀ। ଏ ଦୃଶ୍ୟ ହେଉଛି ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ଗୁଣ୍ଡିଚାନାଳୀ କଳାମାଟି ସାହିର। ସାହିର କର୍ମୀ ମୁର୍ମୁଙ୍କ ଅସହ୍ୟ ପ୍ରସବ ଯନ୍ତ୍ରଣା ହେବାରୁ ତାଙ୍କୁ ସମ୍ପର୍କୀୟ ମାନେ ଏକ ଖଟିଆରେ ଧରି ପ୍ରାୟ ୨ କିଲୋମିଟର ଚାଲି ଚାଲି ଯାଇଥିଲେ। ଏପରିକି ଉଛୁଳା ରାମିଆଳ ନଦୀ ପାର ହୋଇ ଗର୍ଭବତୀଙ୍କୁ କାମାକ୍ଷାନଗର ମେଡିକାଲରେ ଭର୍ତ୍ତି କରାଯାଇଥିଲା। ସେଠାରୁ ତାଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ତେବେ କର୍ମୀ ମୁର୍ମୁଙ୍କର ଏହା ହେଉଛି ଦ୍ୱିତୀୟ ଗର୍ଭ। ପୂର୍ବରୁ ତାଙ୍କର ଏକ ୪ବର୍ଷର ଶିଶୁ ପୁତ୍ର ରହିଛି।