କଟକ ସହରରେ ଆଜି ବସ ଚଳାଚଳ ସ୍ବାଭାବିକ ରହିଛି । ନେତାଜୀ ବସ ଟର୍ମିନାଲରେ ସକାଳଠୁ ବସ ଆସିବା ଓ ଯିବା ଚାଲିଛି । ରାଜ୍ୟର ବିଭିନ୍ନ ଅଞ୍ଚଳ ଓ ପଡ଼ୋଶି ରାଜ୍ୟରୁ ଯାତ୍ରୀମାନେ କଟକ ପହଞ୍ଚୁଛନ୍ତି ।
ସହରରେ ନିୟମ-ଶୃଙ୍ଖଳା ବଜାୟ ରଖିବା ପାଇଁ କର୍ଫ୍ୟୁ ଜାରି ରହିଥିଲେ ମଧ୍ୟ ଆବଶ୍ୟକ ସେବା ଭିତରେ ପଡ଼ୁଥିବା ବସ ସେବା ଚାଲୁ ରହିଛି । ପୋଲିସ ଓ ପ୍ରଶାସନ ତରଫରୁ ସମସ୍ତ ବସ ଟର୍ମିନାଲ ଓ ମୁଖ୍ୟ ରାସ୍ତାରେ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଇଛି ।
ଯାତ୍ରୀମାନେ କହିଛନ୍ତି ଯେ, ବସ ଚଳାଚଳ ସ୍ବାଭାବିକ ଥିବାରୁ ସେମାନେ ଯାତ୍ରାରେ କୌଣସି ଅସୁବିଧା ଭୋଗୁନାହାନ୍ତି । କିଛି ବସ ଚାଳକ ଓ ସହାୟକ ମାନେ କହିଛନ୍ତି ଯେ, ପୋଲିସ ତରଫରୁ ସହଯୋଗ ମିଳୁଥିବାରୁ ଯାତାୟାତ ସାଧାରଣ ରହିଛି ।