ନୂଆପଡା ଉପନିର୍ବାଚନର ଭୋଟ ଗଣତି ଆସନ୍ତାକାଲି ହେବ । ଜିଲ୍ଲାପାଳ ସୂଚନା ଦେଇଛନ୍ତି ଯେ ଗଣନା ପ୍ରକ୍ରିୟାକୁ ସ୍ବଚ୍ଛ, ସୁସ୍ଥ ଓ ପାରଦର୍ଶୀ ଭାବରେ ଆୟୋଜନ କରିବା ପାଇଁ ସମସ୍ତ ପଦକ୍ଷେପ ଗ୍ରହଣ କରାଯାଇଛି । ନ୍ୟାସନାଲ କଲେଜରେ ଷ୍ଟ୍ରଙ୍ଗରୁମ ମଧ୍ୟରେ ରହିଥିବା ଇଭିଏମ ଓ ଭିଭିପାଟ ମେସିନଗୁଡ଼ିକୁ ତ୍ରିସ୍ତରୀୟ ସୁରକ୍ଷାରେ ଗଣନା କକ୍ଷକୁ ଅଣାଯିବ ।
୧୪ଟି ଗଣତି ଟେବୁଲ୍ ଓ ଗୋଟିଏ ପୋଷ୍ଟାଲ ଭୋଟ ଟେବୁଲ୍ ବ୍ୟବସ୍ଥା ହୋଇଛି । ସକାଳ ୮ଟାରେ ପୋଷ୍ଟାଲ ବାଲାଟ ଗଣାଯିବା ପରେ ୮.୩୦ରୁ ଇଭିଏମ ଗଣନା ଆରମ୍ଭ ହେବ । ମୋଟ ୨୬ ରାଉଣ୍ଡରେ ଗଣନା ହେବ । ସମସ୍ତ ପ୍ରକ୍ରିୟା ସିସିଟିଭି ନଜରରେ ହେବ ଓ ଭିଡିଓ ରେକର୍ଡିଂ ରଖାଯିବ । ଶେଷରେ ବିଜେତା ପ୍ରାର୍ଥୀଙ୍କ ନାମ ଘୋଷଣା କରି ଜୟ ସନଦ ପ୍ରଦାନ କରାଯିବ ।