OnePlus 15 ପାଇଁ ଅପେକ୍ଷା ଆଜି ଶେଷ ହେବାକୁ ଯାଉଛି । OnePlusର ଏହି ଫ୍ଲାଗସିପ୍ ଫୋନ୍ ଆଜି, ନଭେମ୍ବର ୧୩ ତାରିଖରେ ଭାରତୀୟ ବଜାରରେ ଲଞ୍ଚ ହେବ । ଭାରତ ସହିତ, ଏହାକୁ ଆଜି ବିଶ୍ୱ ବଜାରରେ ମଧ୍ୟ ଉପସ୍ଥାପନ କରାଯିବ । OnePlusର ଏହି ଫ୍ଲାଗସିପ୍ ଫୋନ୍ ବିଶ୍ୱର ସବୁଠାରୁ ଫାଷ୍ଟ ପ୍ରୋସେସର ସହିତ ଲଞ୍ଚ ହେବ । ଏହା ଭାରତରେ Qualcomm Snapdragon 8 Elite Gen 5 ପ୍ରୋସେସର ସହିତ ଲଞ୍ଚ ହେବା ପ୍ରଥମ ଫୋନ୍ ହେବ ।
OnePlus ଏହି ବର୍ଷ ଆରମ୍ଭରେ OnePlus 13 ସିରିଜ୍ ଲଞ୍ଚ କରିଥିଲା । ଏହି ନୂଆ ଫୋନ୍ OnePlus 13 ର ଏକ ଅପଗ୍ରେଡ୍ ହେବ। OnePlus 15 ରେ ଏକ ପ୍ରମୁଖ ଡିଜାଇନ୍ ଅପଗ୍ରେଡ୍ ଦେଖିବାକୁ ମିଳିବ । ବ୍ୟାଟେରୀ ଏବଂ କ୍ୟାମେରା ସମେତ ଅନେକ ହାର୍ଡୱେର୍ ଫିଚର୍ ମଧ୍ୟ ଅପଗ୍ରେଡ୍ ପାଇବେ । ଏହାର ଲୁକ୍ ଏବଂ ଡିଜାଇନ୍ OnePlus 13s ପରି ହେବ । ଏହି ଫୋନ୍ ପୂର୍ବରୁ ଇ-କମର୍ସ ୱେବସାଇଟ୍ Amazon ରେ ଲିଷ୍ଟ ହୋଇସାରିଛି ।
ଗତ ମାସରେ ଚୀନ୍ ବଜାରରେ OnePlus 15 ଲଞ୍ଚ କରାଯାଇଥିଲା । ଏହି ଫୋନଟି ୫୦,୦୦୦ ଟଙ୍କା ମୂଲ୍ୟରେ ଲଞ୍ଚ କରାଯାଇଥିଲା । ହେଲେ ଭାରତରେ ଏହାର ମୂଲ୍ୟ ୭୦,୦୦୦ ଟଙ୍କା ମଧ୍ୟରେ ହୋଇପାରେ । ଏହାକୁ ୧୨GB/୧୬GB RAM ଏବଂ ୨୫୬GB/୫୧୨GB/1TB ଷ୍ଟୋରେଜ୍ ସହିତ ପ୍ରଦାନ କରାଯାଇପାରେ । ଏଥିସହ କମ୍ପାନୀ ଭାରତରେ OnePlus 15R ମଧ୍ୟ ଲଞ୍ଚ କରିପାରେ, ଯାହା ଚୀନ୍ରେ ଲଞ୍ଚ ହୋଇଥିବା OnePlus Ace 6 ର ଏକ ରି-ବ୍ରାଣ୍ଡେଡ୍ ଭର୍ସନ ହୋଇପାରେ ।
ଚୀନ୍ରେ, ଏହି ଫୋନ୍ଟି ୬.୭୮ ଇଞ୍ଚର ଫ୍ଳେକ୍ସିବଲ୍ AMOLED ଡିସପ୍ଲେ ସହିତ ଲଞ୍ଚ କରାଯାଇଛି ଯାହା ୧୨୦Hz ରିଫ୍ରେସ୍ ରେଟ୍କୁ ସପୋର୍ଟ କରେ । ଏହା IP68 ଏବଂ IP69 ରେଟିଂ ସହିତ ଆସିବ । ଏହା ସହିତ, ଏହି ପ୍ରିମିୟମ୍ ଫୋନରେ Qualcomm Snapdragon 8 Elite 5 ପ୍ରୋସେସର ରହିବ । ଏହା 16GB RAM ଏବଂ 1TB ପର୍ଯ୍ୟନ୍ତ ଷ୍ଟୋରେଜ୍ ସହିତ ଲଞ୍ଚ ହେବ ।
OnePlus 15 ର ବ୍ୟାକ୍ ସାଇଡରେ ଏକ ଟ୍ରିପଲ୍ କ୍ୟାମେରା ସେଟଅପ୍ ରହିବ । ଏଥିରେ ତିନୋଟି ୫୦MP କ୍ୟାମେରା ରହିବ । ସେଲଫି ଏବଂ ଭିଡିଓ କଲିଂ ପାଇଁ ଏକ ୩୨MP କ୍ୟାମେରା ଉପଲବ୍ଧ । ଫୋନ୍ ଅପ୍ଟିମାଲ୍ ଇମେଜ୍ ଷ୍ଟାବିଲାଇଜେସନ୍ (OIS) ସପୋର୍ଟ କରିବ । ଏଥିରେ ଏକ ପେରିସ୍କୋପ୍ କ୍ୟାମେରା ମଧ୍ୟ ରହିବ ଯାହା 100x ଡିଜିଟାଲ୍ ଜୁମ୍ ସପୋର୍ଟ କରିବ ।
ଏହି ପ୍ରିମିୟମ୍ OnePlus ଫୋନରେ ୭୩୦୦mAh ବ୍ୟାଟେରୀ ରହିବ ଏବଂ ୧୨୦W ଫାଷ୍ଟ ୱାୟର୍ଡ ଏବଂ ୫୦W ୱାୟାରଲେସ୍ ଚାର୍ଜିଂ ପାଇଁ ସପୋର୍ଟ ମିଳିବ ବୋଲି ଆଶା କରାଯାଉଛି । ଏହି ଫୋନଟି Android 16 ଉପରେ ବେସ୍ଡ OxygenOS 16 ରେ ଚାଲିବ । କମ୍ପାନୀ ନିଶ୍ଚିତ କରିଛି ଯେ ଭାରତରେ ଲଞ୍ଚ ଇଭେଣ୍ଟ ସନ୍ଧ୍ୟା ୭ଟାରେ ଅନୁଷ୍ଠିତ ହେବ । ଏଥିସହ ଫୋନଟିକୁ ରାତି ୮ଟାରେ ସେଲ୍ ପାଇଁ ମଧ୍ୟ ଉପଲବ୍ଧ କରାଯିବ ।