ଅନୁଗୋଳ ବନଖଣ୍ଡ ର ବାଳୁକଟା ଗାଁ ପଥର ଗଡ ସାହି ନିକଟସ୍ଥ ଏକ ପୋଖରୀ ପାଖରେ ଏକ ହାତୀ କୁ ଅସୁସ୍ଥ ଅବସାରେ ଉଦ୍ଧାର କରାଯାଇଛି। ହାତୀଟି ର ବୟସ ପ୍ରାୟ 6 ବର୍ଷ ରୁ 7 ବର୍ଷ ମଧ୍ୟରେ ହୋଇଥିବା ଅନୁମାନ କରାଯାଉଛି। ହାତୀ ଛୁଆଟି ଅସୁସ୍ଥ ଥିବା ଜଣାପଡିଛି। ସୂଚନା ଅନୁସାରେ ଗତକାଲି ରାତିରେ ଦଳେ ହାତୀ ପଥର ଗଡ ସାହି ନିକଟରେ ରହିଥିଲେ ସକାଳ ହେଇଯିବା ରୁ ଅସୁସ୍ଥ ହାତୀ ଛୁଆ କୁ ଛାଡି ଚାଲିଯାଇଥିବା ଜଣାପଡିଛି। ଖବର ପାଇ ବନ ବିଭାଗ ଓ ଡାକ୍ତର ଟିମ୍ ଘଟଣାସ୍ଥଳରେ ପହଞ୍ଚି ହାତୀଟିର ଚିକିତ୍ସା ଚଳାଇଥିବା ଜଣାପଡିଛି। ଚିକିତ୍ସା କରୁଥିବା ଡାକ୍ତର ପ୍ରଦୀପ୍ତ କୁମାର ସିଂହଙ୍କ ସୂଚନା ଅନୁଯାଇ ବୋମା ଖାଈ ଗୁରୁତର ଆହତ ହୋଇଛି ଏହି ଅଣ୍ଡିରା ହାତୀଟି । ପ୍ରାୟ ୫-୬ ଦିନ ତଳୁ ହାତୀଟି ବୋମା ଖାଇଥିବା ସନ୍ଦେହ ହୋଇଥିଲା ବେଳେ ହାତୀର ପାଟିରେ ଗଭୀର କ୍ଷତ ହୋଇଛି । ତେବେ ଅଧିକ ଚିକିତ୍ସା ଲାଗି କପିଳାସ, ଅନୁଗୁଳ ଓ ସାତକୋଶିଆରୁ ଡାକ୍ତରୀ ଟିମ ପହଞ୍ଚି ଆରମ୍ଭ କରିଛନ୍ତି ଚିକିତ୍ସା।