ଅନୁଗୋଳ ଜିଲ୍ଲାରେ ଶିକାରୀଙ୍କ ବୋମା ରେ ହାତୀ ମୃତ୍ୟୁ ଭଳି ଅଘଟଣ ପରେ ତପ୍ତରତା ଦେଖାଇଲେ ବନବିଭାଗ
ବିଭିନ୍ନ ସଂରକ୍ଷିତ ଜଙ୍ଗଲ ଅଞ୍ଚଳରେ ଜୋରଦାର କମ୍ବିଂ ଅପରେସନ୍ କରାଯାଉଥିବା ଦେଖିବାକୁ ମିଳିଛି। ସେପଟେ ଶିକାରୀ ମାନଙ୍କୁ ଜଙ୍ଗଲରେ ପୂରାଇ ନଦେବା ପାଇଁ ସବୁ ଯୋଜନା କରାଯାଉଛି। ସୂଚନା ଅନୁସାରେ, କିଛି ଦିନ ହେଲା ଅନୁଗୋଳ ବନ ଖଣ୍ଡର ସମସ୍ତ ରେଞ୍ଜରେ ସମସ୍ତ ବନ କର୍ମଚାରୀଙ୍କୁ ସଂରକ୍ଷିତ ଜଙ୍ଗଲରେ ବୁଲିବାକୁ କୁହାଯାଇଛି। ହାତୀ ସମେତ ଅନ୍ୟ ବନ୍ୟ ଜୀବଙ୍କର ଗତିବିଧି ନିରୀକ୍ଷଣ ଏବଂ ଶିକାର ଓ ଅବୈଧ କାର୍ଯ୍ୟକଳାପ ରୋକିବା ଉପରେ ଧ୍ୟାନ ଦେବାକୁ ନିର୍ଦ୍ଦେଶ ଦିଆଯାଇଥିବା ଅନୁଗୁଳ ଡିଏଫ୍ଓ ନୀତୀଶ କୁମାର ସୂଚନା ଦେଇଛନ୍ତି। ସେହିପରି ଅପରେସନ୍ ବେଳେ ବନ କର୍ମଚାରୀମାନେ ବନ୍ୟଜୀବଙ୍କ ମଧ୍ୟରେ ସମ୍ଭାବ୍ୟ ରୋଗ, ଅରଣ୍ୟ ଅବସ୍ଥା, ବନ୍ୟଜୀବ ସଂଖ୍ୟା ଓ ପରିବେଶଗତ ପରିବର୍ତନ ସମ୍ବନ୍ଧୀୟ ଜରୁରି ତଥ୍ୟ ସଂଗ୍ରହ କରୁଥିବା ଜଣାପଡ଼ିଛି। ସେପଟେ ଜଙ୍ଗଲର କେଉଁଠି ଫାଶ, ଜିଆଇ ତାର, ବିଷାକ୍ତ ଆହାର ରଖାଯାଇଛି ତାହା ତନତନ କରି ଖୋଜା ଯାଉଛି। ଖାଲି ସେତିକି ନୁହେଁ, ବିଭିନ୍ନ ଗାଁରେ ଥିବା ଶିକାରୀଙ୍କ ଉପରେ ମଧ୍ୟ ଦୃଷ୍ଟି ରଖାଯାଇଛି । ଜଙ୍ଗଲଭିତରକୁ ସେମାନେ ପ୍ରବେଶ କଲେ ସଙ୍ଗେ ସଙ୍ଗେ ବନ ବିଭାଗ ଶିକାରୀଙ୍କୁ କିପରି କାବୁ କରିବ ସେନେଇ ଜାଲ ବିଛା ଯାଉଛି। ଏହି କମ୍ବିଂ ଅପରେଶନ ଅନୁଗୋଳ ଡିଏଫଓ ନୀତିଶ କୁମାର, ଢେଙ୍କାନାଳ ଏସିଏଫ ସତ୍ୟ ପ୍ରକାଶ ସାହୁ, ଅନୁଗୋଳ ଏସିଏଫ ଐଶ୍ୱରୀୟ ରାଉତରାୟ , ତାଳଚେର ସେକ୍ସନର ସମସ୍ତ ବନ କର୍ମଚାରି ଯୋଗଦାନ କରିଥିଲେ।