ପୂର୍ବ ଶତ୍ରୁତାରୁ ଆକ୍ରମଣ । ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ । ଅନୁଗୋଳ ଜିଲ୍ଲା ବନ୍ତଳା ଥାନା କଲେଇପଦା ଅଞ୍ଚଳରେ ଆକ୍ରମଣ ହୋଇଛି । ଦିମୁହାଣ ସାହି ଠାରେ ଜଣେ ଯୁବକଙ୍କୁ ଅନ୍ୟ ଦୁଇଜଣ ଭୁଜାଲିରେ ଅତର୍କିତ ଆକ୍ରମଣ କରିଛନ୍ତି ।
ଗୁରୁତର ଯୁବକ ହେଲେ ଅଜୟ ନାଏକ । ସେ ବାଇକରେ ଗାଁକୁ ଯାଉଥିବାବେଳେ ସ୍କୁଟି ଓ ବୁଲେଟରେ ଦୁଇ ଜଣ ଆସି ଆକ୍ରମଣ କରିଥିଲେ । ପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଗୁରୁତରଙ୍କୁ ବନ୍ତଳା ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାର ତଦନ୍ତ କରୁଛି ବନ୍ତଳା ଥାନା ପୋଲିସ ।